چمک رہا ہے وہی آفتاب آنکھوں میں

نہ کوئی دریا  نہ کو ئی سراب آنکھوں میں

بسے ہیں اب تو فقط تیرے خواب آنکھوں میں

تری جدائی کا جب بھی خیال آتا ہے

امڈ کے آتا پھر انقلاب آنکھوں میں

نہ پوچھو کیسے ہیں کیا رنگ وروپ ہے انکے

لودیکھ لو انہیں عالی جناب آنکھوں میں

نہ دل پہ قابو ہے نہ خود پہ اختیار ہی ہے

جچے ہیں جب سے وہ عزت مآب آنکھوں میں

حیا سے کچھ نہ کہا جاتا اس لئے شاید

وہ لے کے آئے ہیں لب لباب آنکھوں میں

 نظر جو آیا تھا کھڑکی پہ برسوں پہلے کبھی

چمک رہا ہے وہی آفتاب آنکھوں میں

تمہاری یادوں کے جگنو تو جگمگاتے ہیں

سویرے شام مری نیم خواب آنکھوں میں

تو نا کہے بھی تو فیضی کے ہر سوالوں کا

جواب ہے تری اِن لاجواب آنکھوں میں